నా వెయిట్ పై దృష్టి పెట్టొద్దు: మీడియాపై చిరంజీవి రుసరుస

తిరుపతి: ప్రజారాజ్యం పార్టీ అధ్యక్షుడు చిరంజీవి మీడియాపై రుసరుసలాడారు. మీడియా అనవసరంగా తన బరువుపైన దృష్టి పెట్టుతుందని ఆరోపించారు. మీడియా అనవసరంగా తన బరువుపై దృష్టి పెట్టడం మానేసి ప్రజా సమస్యలపై దృష్టి సారించాలని సూచించారు. రాష్ట్రంలో సమస్యలు చాలా ఉన్నాయని వాటిని ప్రభుత్వం దృష్టికి, ప్రతిపక్షాల దృష్టికి తీసుకు వచ్చేందుకు కృషి చేయాలని సూచించారు. తన కొత్త చిత్రం ఈ దీపావళి తర్వాత ప్రారంభం అవుతుందని చెప్పారు. చిత్రం వచ్చే సంవత్సరం ఈ సమాయానికి విడుదల అవుతుందని చెప్పారు.

అమెరికా పర్యటన ముగించుకొని వచ్చిన కాగా మెగాస్టార్ చిరంజీవిని చూసి అందరూ అశ్చర్యపోయారు. ఆయన బరువు చాలా తగ్గారు. ఆయన బరువు తగ్గడంపై మీడియా కథనాలు ప్రచురిస్తుంది. చిరంజీవి తదుపరి చిత్రం కోసమే బరువు తగ్గాడంటూ కథనాలు వెలువడుతున్నాయి. దీంతో విసుగు చెందిన చిరంజీవి తిరుపతిలో విలేకరులు బరువు తగ్గారంటూ ప్రశ్నించటంతో ఆయన తీవ్రంగా స్పందించారు.