కోడలిపై మామ లైంగిక వేధింపులు: స్థానికుల దేహశుద్ది

హైదరాబాద్: కన్నతండ్రిలా దరిచేర్చుకోవాల్సిన మామే కోడలిని లైంగిక వేధింపులకు గురి చేసిన సంఘటన హైదరాబాద్ లోని ఈసీఐఎల్ లో జరిగింది. తన కొడుకు సంసారానికి పనికి రాడని, వారసుడి కావాలి కాబట్టి కోడలి తన దగ్గరకు రావాలని ఆ మామ లైంగిక వేధింపులకు గురి చేస్తున్నట్టు కోడలు ఆరోపిస్తుంది. ఓసారి తన ఆడపడుచు భర్త కొండల్ రెడ్డి మరో కొందరు కలిసి మామగారి గదిలోకి బలవంతంగా పంపించారని అరోపిస్తోంది. తనకు న్యాయం చేయాలంటూ ఆమె మామ ఇంటిముందు ధర్నా నిర్వహించింది. మీ అత్తయ్య ఇంటి దగ్గర ఉండదు. తన తల్లి ఆరోగ్యం బాగా లేదు కాబట్టి అక్కడకు వెళుతుందని, నీ ద్వారా ఎప్పుడైనా వారసుడిని కంటానని మామ తనపై దౌర్జన్యం ప్రదర్శించినట్టు చెప్పారు. మామ పలుమార్లు తనను చంపడానికి కూడా ప్రయత్నాలు చేసినట్టు చెప్పారు.కాగా బాధితురాలికి ప్రజా సంఘాల మద్దతు ఉంది. కుటుంబ సభ్యులను స్థానికులు చితకబాదారు.

అయితే మామకు సహకరించాడని ఆరోపణలు ఎదుర్కొంటున్న కొండల్ రెడ్డి కోడలు చెప్పేదానిలో నిజాలు లేవని అంటున్నారు. ఆమె డబ్బుల కోసమే ఇలా చేస్తుందన్నారు. పెళ్లికి ముందే వేరే వ్యక్తితో ఆమెకు సంబంధం ఉందని, అది ఇప్పటికీ కొనసాగుతోందని ఆయన ఓ టీవీ ఛానల్ లో ఆరోపించారు. సంవత్సరంనుండి లేని అభ్యంతరం ఇప్పుడు ఎక్కడిదన్నారు. కేవలం డబ్బుల కోసమే ఆమె ఇవన్నీ చేస్తుందని, డబ్బులు ఇవ్వకుంటే తన మామను బజారుకీడుస్తానని చెప్పిందన్నారు. నాలుగున్నర లక్షల రూపాయలు కోసం అమె, ఆమె కుటుంబ సభ్యులు కూడా సంతకాలు చేశారని ఆయన చెప్పారు.పోలీసులు కేసు నమోదు చేసుకొని దర్యాఫ్తు చేస్తున్నారు.