బెజవాడలో బాలుడి దారుణ హత్య: ప్రార్థనామందిరం తగాదాలే కారణం?

విజయవాడ: సోమవారం రోజు ఇబ్రహీంపట్నం మండలంలో కిడ్నాపైన ఫయాజ్ అలీ అనే పన్నేండేళ్ల బాలుడు మంగళవారం రోజున విజయవాడకు 12 కిలోమీటర్ల దూరంలో ఉన్న కృష్ణలంక కాలువలో శవమై తేలాడు. దీంతో అలీ ఇంట్లో విషాద ఛాయలు నెలకొన్నాయి. తన కొడుకు చావుకు అస్తి తగాదాలతో పాటు దర్గాలో అధికార తగాదాలు కారణమని తండ్రి అనుమానం వ్యక్తం చేస్తున్నారు.

సోమవారం పాఠశాలలో బ్రేక్ సమయం వరకు ఉన్న అలీ ఆ తరువాత కనిపించలేదని పాఠశాల ప్రధానోపాద్యాయుడు చెబుతున్నారు. దీంతో అలీ కిడ్నాప్ కు గురయినట్లు తల్లిదండ్రులు భావించారు. అలీ తండ్రి స్థానిక మసీదులో అధ్యక్షుడుగా ఎన్నుకోబడ్డాడు. మసీదు కార్యవర్గ కమిటీలో విభేదాలే అలీ మృతికి కారణమని తల్లిదండ్రులు, బంధువులు ఆరోపిస్తున్నారు. అలీ తండ్రిని అధ్యక్షుడు కావడాన్ని జీర్ణించుకోలేని ప్రత్యర్థులు అలీ కిడ్నాప్ చేసి, హతమార్చినట్లు అనుమానం వ్యక్తం చేస్తున్నారు. అంతేకాకుండా ఆస్తి తగాదాలు కూడా కారణం కావచ్చని భావిస్తున్నారు. అలీ మృతదేహం దగ్గర సైకిల్ పడి ఉంది. బాలుడు సైకిల్ పై 12 కిలోమీటర్ల దూరం రాలేడు. కాబట్టి ఎవరో ఇతరులు సైకిల్ పై తీసుకువచ్చి హత్య చేసి ఉంటారని భావిస్తున్నారు.