ఎంఎంటిఎస్ రైలు ఢీకొని సాఫ్ట్ వేర్ ఇంజనీర్ రామ్ లాల్ మృతి

హైదరాబాద్: హైదరాబాదులో ఎంఎంటిఎస్ రైలు ఢీకొని రామ్ లాల్ అనే సాఫ్ట్ వేర్ ఇంజనీర్ మరణించాడు. హైదరాబాదులోని ఎస్ఆర్ నగర్ సమీపంలోని బల్కంపేట వద్ద బుధవారం ఉదయం ఈ ఘోరం జరిగింది. రామ్ లాల్ సత్యం కంప్యూటర్స్ లో పనిచేస్తున్నాడు. అతను ఫోన్ మాట్లాడుతూ చూడకుండా రైలు పట్టాలు దాటుతున్న సమయంలో వేగంగా వచ్చిన ఎంఎంటిఎస్ రైలు ఢీకొట్టింది.

ప్రమాదంలో రామ్ లాల్ శరీర భాగాలు తునాతునకలై చిందరవందరగా పడిపోయాయి. శరీర భాగాల కోసం పోలీసులు గాలిస్తున్నారు. గతంలో కూడా ఇటువంటి ప్రమాదాలు జరిగాయి. ఎంఎంటిఎస్ రైళ్లు ఢీకొని ఇటీవలి కాలంలో నలుగురు మరణించారు. ప్రమాదాలను నివారించడానికి బారికేడ్లు ఏర్పాటు చేసేందుకు ప్రయత్నాలు చేస్తున్నట్లు అధికారులు చెబుతున్నారు.