నెల్లూరులో వైయస్సార్ పోస్టర్లను చించేయిస్తున్న ఆనం బ్రదర్స్

నెల్లూరు: నెల్లూరులో దివంగత నేత వైయస్ రాజశేఖర రెడ్డి పోస్టర్లకు, బ్యానర్లకు ఆనం బ్రదర్స్ నుంచి ముప్పు ఏర్పడింది. నెల్లూరులో కడప పార్లమెంటు సభ్యుడు వైయస్ జగన్ ఓదార్పు యాత్ర సందర్భంగా ఏర్పాటు చేసిన బ్యానర్లను మంత్రి ఆనం రామనారాయణ రెడ్డి, శాసనసభ్యుడు ఆనం వివేకానంద రెడ్డి తొలగింపజేసి కాల్చేస్తున్నట్లు ఆరోపణలు వినిపిస్తున్నాయి. వైయస్ జగన్ ఓదార్పు యాత్ర ఆనవాళ్లు లేకుండా చేయాలనేది వారి అభిమతంగా కనిపిస్తోంది. ఎవరు ఆ పని చేయిస్తున్నారో తెలియనప్పటికీ అందరూ ఆనం బ్రదర్స్ వైపే వేలెత్తి చూపుతున్నారు.

ఆ విషయాన్ని వైయస్ జగన్ కు చెందిన సాక్షి టీవీ చానెల్ ఎత్తి చూపి ఆనం బ్రదర్స్ పై మండిపడింది. ఆనం బ్రదర్స్ చౌకబారు ప్రయత్నాలకు దిగుతున్నారని వ్యాఖ్యానించింది. సానుభూతిని పొందడానికి జగన్ వర్గీయులే ఆ పని చేసి తమపై రుద్దుతున్నారని ఆనం సోదరులు అంటున్నారు.