వరంగల్లో బొగ్గు గనుల్లో చిక్కుకుపోయిన 800 మంది కార్మికులు

వరంగల్: వరంగల్ జిల్లాలోని భూపాలపల్లి బొగ్గు గనుల్లో విషవాయువు బయటకు రావడంతో 800 మంది కార్మికులు అందులో చిక్కుకు పోయారు. అధికారులు వెంటనే సహాయక చర్యలకు దిగారు. భూపాలపల్లిలోని కెటికె రెండో ఇంక్లేన్ మూడో సిమ్ లో ఈ ఘటన చోటు చేసుకుంది. కార్మికులు లోపల పని చేస్తుండగా కార్బన్ మోనాక్సైడ్ అనే విషవాయువు బయటకు వచ్చింది.

అక్కడ ఆక్సిజన్ కూడా తక్కువ ఉంటుంది. ఊపిరి పీల్చుకోవడానికి కష్టంగా ఉంటుంది. ఇక కార్బన్ మోనాక్సైడ్ కూడా బయటకు రావడంతో గమనించిన అధికారులు వెంటనే కార్మికులను రక్షించడానికి రంగంలోకి దిగారు. పనులు వెంటనే ఆపివేసి, సహాయక బృందాలను పంపించి ఇప్పటికే సుమారు డెబ్బయి మందికి పైగా కార్మికులను బయటకు తీసుకు వచ్చారు.