మెదక్ జిల్లా రోడ్డు ప్రమాదంలో ఏడుగురు బీదర్ వాసుల మృతి

మెదక్: మెదక్ జిల్లాలో శనివారం తెల్లవారుజామున ఘోర రోడ్డు ప్రమాదం జరిగింది. జహీరాబాద్ మండలం రంజోల్ వద్ద లారీ, సుమో ఢీకొన్న ప్రమాదంలో ఏడుగురు దుర్మరణం పాలయ్యారు. మరో ముగ్గురు గాయపడ్డారు. మరణించినవారిలో ఓ చిన్నారి, సహా ఇద్దరు మహిళలు కూడా ఉన్నారు.

మృతులు కర్ణాటకలోని బీదర్‌కు చెందినవారు. వీరంతా హైదరాబాద్ నుంచి బీదర్ వెళుతుండగా ఈ ప్రమాదం జరిగింది. హజ్ యాత్రికులకు వీడ్కోలు చెప్పి వారు తమ స్వస్థలం బీదర్ కు తిరిగి వెళ్తుండగా ఈ ప్రమాదం సంభవించింది. ఈ ప్రమాదంతో రంజోల్ జాతీయ రహదారిపై ట్రాఫిక్ భారీగా స్తంభించింది. గాయపడినవారిని చికిత్స నిమిత్తం ఆస్పత్రికి తరలించారు.