తెలంగాణపై కేంద్ర ప్రభుత్వ కుట్రలో కెసిఆర్ పాత్ర: దేవేందర్ గౌడ్

హైదరాబాద్‌: తెలంగాణ విషయంలో కాంగ్రెస్‌ తన రాజకీయ ఎజెండా అమలుకు కుట్ర పన్నుతోందని తెలుగుదేశం తెలంగాణ ప్రాంత సీనియర్‌నేత దేవేందర్‌గౌడ్‌ ఆరోపించారు. ఈ నాటకంలో తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు‌, శ్రీకృష్ణ కమిటీ సభ్య కార్యదర్సి దుగ్గల్‌, గవర్నర్‌ నరసింహన్ లను పావులుగా మారారని ఆయన శనివారం మీడియా ప్రతినిధుల సమావేశంలో ఆరోపించారు.

రాష్ట్రంలో గందరగోళాన్ని సృష్టించేందుకు కాంగ్రెస్‌పార్టీ ప్రయత్నిస్తోందని, టీడీపీని బలహీనపరచటమే లక్ష్యంగా ఆ పార్టీ పనిచేస్తోందని ఆయన విమర్శించారు. హైదరాబాద్‌ ప్రస్తావన తెరపైకి రావటం కాంగ్రెస్‌ నాటకంలో ఓ ఎత్తుగడ అని అన్నారు. ప్రజల మనోభావాలకు అనుగుణంగా తాము రాష్ట్రావతరణ ఉత్సవాలకు దూరంగా ఉంటున్నట్లు తెలిపారు.