తెలుగు విశ్వవిద్యాలయంలోని పొట్టి శ్రీరాములు విగ్రహం ధ్వంసం

హైదరాబాద్: హైదరాబాదులోని నాంపల్లిలో గల తెలుగు విశ్వవిద్యాలయంలో గల పొట్టి శ్రీరాములు విగ్రహాన్ని దుండగులు పాక్షికంగా ధ్వంసం చేశారు. విగ్రహాన్ని కూల్చి కాల్చివేయడానికి దుండగులు ప్రయత్నించారు. అయితే, పోలీసులు రావడంతో వారిని గమనించి వారు పారిపోయారు. పొట్టి శ్రీరాములు విగ్రహం కాలు ఒక్కటి ధ్వంసమైంది.

పొట్టి శ్రీరాములు విగ్రహానికి నష్టం కలిగించడంపై ఆగ్రహం వ్యక్తమవుతోంది. తెలుగు ప్రజల కోసం త్యాగం చేసిన మహానుభావుల విగ్రహాలను ధ్వంసం చేయాలనే ఆలోచన సరైంది కాదని తెలుగుదేశం, ప్రజారాజ్యం పార్టీ నాయకులు అన్నారు. నవంబర్ 1వ తేదీ రాష్ట్రావతరణ దినోత్సవాలను బహిష్కరించాలని తెలంగాణవాదులు పిలుపునిస్తున్న నేపథ్యంలో ఈ సంఘటన చోటు చేసుకుందని భావిస్తున్నారు.