• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

జూనియర్ ఎన్టీఆర్ కు చుక్కెదురు: ఫ్యాన్సీ నెంబర్ రద్దు

By Pratap
|
Jr Ntr
హైదరాబాద్: తప్పుడు చిరునామాతో తన కారుకు ఫ్యాన్సీ నంబర్ పొందిన యువ నటుడు నందమూరి తారక రామారావు(జూనియర్ ఎన్టీఆర్)కు రవాణా శాఖ నుంచి చుక్కెదురైంది. ఈ మేరకు కాంగ్రెసు కడప పార్లమెంటు సభ్యుడు వైయస్ జగన్ కు చెందిన సాక్షి దినపత్రిక ఓ వార్తాకథనాన్ని ప్రచురించింది. హైదరాబాద్‌లో ఉంటున్న ఎన్టీఆర్ ఆదిలాబాద్ జిల్లా అడ్రస్‌తో పొందిన ఫ్యాన్సీ నంబర్‌ను రద్దు చేస్తూ నిర్ణయం తీసుకుంది. దీనిని సవాలు చేస్తూ ఆయన పెట్టుకున్న అప్పీలును సైతం తాజాగా తోసిపుచ్చింది. జూనియర్ ఎన్టీఆర్‌కు వ్యతిరేకంగా నిర్ణయం తీసుకోకుండా ఉండేందుకు, రవాణా శాఖలో తెలుగుదేశం అధ్యక్షుడు చంద్రబాబుకు సన్నిహితుడిగా పేరొం దిన ఓ ఉన్నతాధికారి ప్రయత్నించినప్పటికీ ఫలితం లేకపోయింది. సాక్షి దినపత్రిక అందించిన వివరాలు ఇలా ఉన్నాయి.

2007 మార్చి 17న సినీనటుడు జూనియర్ ఎన్టీఆర్ స్కోడా సూపర్బ్ కారు కొనుగోలు చేశారు. ఆదిలాబాద్‌లోని రిక్షా కాలనీ, ఇంటి నంబర్ 5-3-527 చిరునామాలో నివాసముంటున్నట్లు ధ్రువీకరణ పత్రం చూపి ఎలాంటి పోటీ లేకుండా ఏపీ 01 జి 9999 ఫ్యాన్సీ నంబర్ దక్కించుకున్నారు. హైదరాబాద్‌లో ఉండే ఎన్టీఆర్ ఆదిలాబాద్‌లో.. అదీ ఓ రిక్షా కాలనీలో ఉండడం ఏమిటి? అన్న ఆలోచన అధికారులకు కలగలేదు. మళ్లీ ఈ ఏడాది మేలో హైదరాబాద్ సోమాజిగూడలోని ఓ డీలర్ వద్ద రూ. 1.19 కోట్ల విలువగల బీఎండబ్ల్యూ సెవన్ సిరీస్ 750 ఎల్‌ఐ ఆటోమేటిక్ వాహనాన్ని (ఇంజిన్ నంబర్-21034509) కొనుగోలు చేశారు. అప్పుడూ ఆదిలాబాద్‌లోని చిరునామాతో ఇన్‌వాయిస్ జారీ అయ్యింది. ఖైరతాబాద్‌లోని ఈ-సేవా కేంద్రంలో జీవితకాల పన్ను చెల్లించి, రిజిస్ట్రేషన్ కోసం ఆదిలాబాద్ ఆర్టీఏ అధికారులకు దరఖాస్తు చేసుకున్నారు. ఫ్యాన్సీ నంబర్ కోసం రూ. 50 వేలు ఆన్‌లైన్ ద్వారా చెల్లించడంతో పోటీ లేనందున ఆర్టీఏ అధికారులు ఏపీ01 ఆర్ 9999 నంబర్ కేటాయించారు. ముందు కొనుగోలు చేసిన స్కోడా వాహనం రిజిస్ట్రేషన్ పత్రాల ఆధారంగానే ఈసారి కూడా ఫ్యాన్సీ నంబర్ కేటాయించామని రవాణాశాఖ అధికారులు అప్పట్లో చెప్పారు.

ఆదిలాబాద్ ఆర్టీఏ అధికారులకు గత మే నెలలో అందిన ఫిర్యాదుతో కథ అడ్డం తిరిగింది. నందమూరి తారక రామారావు సన్నాఫ్ హరికృష్ణ పేరుతో ఇచ్చిన చిరునామా బోగస్ అని వారి విచారణలో బయటపడింది. దీంతో తప్పుడు చిరునామా ఇచ్చినందుకు రెండు కార్ల రిజిస్ట్రేషన్లు రద్దు చేస్తున్నామంటూ ఆదిలాబాద్ జిల్లా అడ్రస్సుకు అదే నెలలో రవాణాశాఖ నోటీసులు జారీ చేసింది. కానీ స్పందన రాలేదు. దీంతో హైదరాబాద్‌లోని జూనియర్ ఎన్టీఆర్ ఇంటి చిరునామాకు సమాచారం అందించింది. అయినా సరైన ధ్రువపత్రాలు సమర్పించకపోవడంతో స్కోడా, బీఎండబ్ల్యూ.. రెండు కార్ల రిజిస్ట్రేషన్ రద్దు చేస్తూ ఉత్తర్వులు జారీ చేసింది. దీంతో ఎన్టీఆర్ వెంటనే బీఎండబ్ల్యూ కారుకు హైదరాబాద్‌లో రిజిస్ట్రేషన్ కోసం దరఖాస్తు చేసుకుని బహిరంగ వేలం రూ. 5.10 లక్షలకు 9999 ఫ్యాన్సీ నంబర్‌ను సంపాదించుకున్నారు. స్కోడా కారుకూ పాత నంబర్‌కోసం పెద్దస్థాయిలోనే ఒత్తిడి తెచ్చారు. ఈ నంబర్‌ను రద్దు చేస్తూ ఆదిలాబాద్ డిప్యూటీ ట్రాన్స్‌పోర్ట్ కమిషనర్ (డీటీసీ) తీసుకున్న నిర్ణయంపై రవాణాశాఖ కమిషనర్‌కు గత జూన్‌లో అప్పీలు చేశారు. అయితే ఈ అప్పీలును తోసిపుచ్చుతూ రవాణాశాఖ రెండురోజుల క్రితం నిర్ణయం తీసుకుంది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X