అనంతపురం జిల్లాలో లాకప్ డెత్: మృతుడు తమిళనాడు లారీ డ్రైవర్

అనంతపురం: అనంతపురం జిల్లాలో మంగళవారం రాత్రి లాకప్ డెత్ సంభవించింది. అనంతపురం జిల్లా ముదిగుబ్బ పోలీసు స్టేషనులో బాల మురుగన్ అనే తమిళనాడుకు చెందిన లారీ డ్రైవర్ మరణించాడు. అయితే, కడుపు నొప్పి కారణంగా అతను మరణించినట్లు పోలీసులు చెబుతున్నారు. కానీ, మరణంపై అనుమానాలు వ్యక్తమవుతున్నాయి.

ఓ దొంగతనం కేసులో పోలీసులు బాల మురగన్ ను అదుపులోకి తీసుకున్నారు. కేసు విచారణ సందర్భంగా పోలీసులు తీవ్రంగా కొట్టడం వల్లనే అతను మరణించి ఉంటాడని అనుమానిస్తున్నారు. అతని మరణం విషయం మీడియాకు తెలియకుండా చూసేందుకు పోలీసులు ప్రయత్నించారు.