• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఒబామా పర్యటన భారత ఔట్ సోర్సింగ్ కు నిరాశనే

By Srinivas
|
Barack Obama
వాషింగ్టన్: అవుట్ సోర్సింగ్ ఆంక్షలపై అమెరికా అధ్యక్షుడు బరాక్ ఒబామా వెనక్కు తగ్గే అవకాశాలు కనిపించటం లేదు. ఈ నెల 6వ తేదీ నుంచి నాలుగు రోజుల పాటు ఒబామా భారత పర్యటన చేయనున్నారు. ఈ సందర్భంగా వాషింగ్టన్లో ఒబామా ఓ విలేకరికి ఇంటర్వ్యూ ఇచ్చారు. ఆయన తన ఇంటర్వ్యూలో పలు ఆసక్తికరమైన విషయలు చెప్పాడు. ముఖ్యంగా భారత్ ఆందోళన చెందుతున్న అవుట్ సోర్సింగ్ పై ఉన్న ఆంక్షలు సడలించబోమని చెప్పారు. అమెరికా భవిష్యత్తు, అక్కడి యువత ఉద్యోగాల దృష్ట్యా మొదట ఈ ఆంక్షలను సడలించే అవకాశం లేదన్నట్టుగా సంకేతాలు ఇచ్చారు. భారత్ దీనిపై ఆందోళన చెందుతున్నప్పటికీ దానిని మేం పరిగణనలోకి తీసుకోమని కూడా చెప్పారు.

ఒబామా అధికారం చేపట్టిన కొన్నాళ్లకు అవుట్ సోర్సింగ్ వల్ల ఆమెరికా యువతకు ఉద్యోగాలు లేకుండా పోతోందని భావించిన ఒబామా అమెరికా మంచి భవిష్యత్తు కోసం కొన్ని నిర్ణయాలు తీసుకోక తప్పదని అవుట్ సోర్సింగ్ పై కఠిన నిబంధనలు విధించారు. దీంతో ఎఫెక్టు చాలా దేశాల్లో పడినప్పటికీ అవుట్ సోర్సింగ్ పైనే ఆధారపడ్డ భారత్ లోని బెంగుళూరు, ముంబయి వంటి వాటిపై భారీగా పడింది. కొన్నాళ్ల క్రితం ఒబామా బెంగుళూరుపై తన కోపాన్ని కూడా ప్రదర్శించాడు. అమెరికా కంపెనీలు ఇక్కడి యువతకు ఉద్యోగాలు ఇవ్వకుండా బెంగుళూరులోని వారికి ఉపాధి కల్పిస్తున్నాయని ఆయన వాఖ్యానించారు. ఆయన పలుమార్లు అమెరికా విశ్వవిద్యాలయాల్లో మాట్లాడుతూ బెంగుళూరు, బీజింగులతో పోటీ పడాలని తమ విద్యార్థులను ఉద్దేశించి ప్రసంగించారు.

ఒబామా భారత్ కు ఐక్యరాజ్య సమితిలోని భద్రతా మండలిలో కూడా శాశ్వత సభ్యత్వంపై నిర్దిష్టమైన హామీ ఇవ్వలేదు. ఆయితే దానిపై చర్చిస్తానని మాత్రం చెప్పారు. అంతే కాకుండా భారత్ - అమెరికా ఎదుర్కొంటున్న ఉగ్రవాదం, పర్యావరణం పై కలిసి పనిచేస్తామని చెప్పారు. ఆర్థిక సహకారం, అభివృద్ధికి ఇరు దేశాలు కలిసి పని చేసే విధంగా ఉండాలని ఆయన అభిప్రాయపడ్డారు. ఆసియా - అమెరికా సంబంధాలు గట్టిపడాలంటే ఆసియాలో ఉన్న ముఖ్యదేశం భారత్ తో మా సంబంధాలు బాగుండాలన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X