తుఫానుపై అధికారులతో ముఖ్యమంత్రి రోశయ్య సమీక్ష

హైదరాబాద్:కోస్తాంధ్రను ముంచెత్తుతున్న జల్ తుఫాను ఎదుర్కొనడానికి ప్రభుత్వం ఆప్రమత్తమయింది. తుఫానుపై సచివాలయంలో ముఖ్యమంత్రి కొణిజేటి రోశయ్య మంత్రులు, అధికారులతో సమీక్షా, సమావేశం నిర్వహించారు. రెవెన్యూ మంత్రి ధర్మాన ప్రసాదరావు, విపత్తు కమిషనర్ అధికారి రాధ ఈ సమావేశంలో పాల్గొన్నారు. తుఫాను నష్టాన్ని తగ్గించి, అవసరమైన అన్ని చర్యలు తీసుకోవాలని ముఖ్యమంత్రి రోశయ్య అధికారులకు, మంత్రులను ఆదేశించారు.

తుఫాను ప్రభావిత ప్రాంతాల్లోనే మంత్రులు ఉండాలని ముఖ్యమంత్రి మంత్రులను ఆదేశించారు. తుఫానుపై ప్రభుత్వం ఆప్రమత్తంగానే ఉందన్నారు. తుఫాను ప్రభావం అధికంగా ఉండవచ్చని అంచనా వేస్తున్న ప్రకాశం, గుంటూరు, కృష్ణ, నెల్లూరు, చిత్తూరు జిల్లాలకు ప్రత్యేక అధికారులను ప్రభుత్వం నియమించింది. ఆయా జిల్లాల్లో పనిచేస్తున్న కలెక్టర్లకు అప్రమత్తంగా ఉండాలని ఆదేశించింది.కాగా ముఖ్యమంత్రి రోశయ్య గుంటూరు పర్యటన రద్దయింది. వాతావరణం అనుకూలించక పోవటంతే ఆయన పర్యటన రద్దయింది.