చీఫ్ ఇంజనీర్ ఇంట్లో ఏసిబి సోదాలు: భారీ ఆస్తులు స్వాధీనం

హైదరాబాద్: పంచాయతీరాజ్ చీఫ్ ఇంజనీర్ గా పనిచేస్తున్న వెంకటేశ్వరరావు అనే వ్యక్తి ఇంటిపై అవినీతి నీరోధక శాఖ(ఏసిబి) దాడి చేసింది. అమీర్ పేటలోని ఆయన ఇంట్లో దాడి చేసిన అవినీతి నిరోధక శాఖ అర కిలో బంగారు నగలు, కోటి రూపాయల విలువైన ముఖ్యమైన డాక్యుమెంట్లు, భారీ నగదును స్వాధీనం చేసుకున్నది. అవినీతి నిరోధక శాఖ వారు ఆకస్మాత్తుగా దాడి చేసింది.

సోదాలు చేస్తుందన్న విషయం వెంకటేశ్వరరావుకు తెలియదు. దీంతో ఆయన వద్ద భారీ ఆస్తులు బయటపడ్డాయి. వెంకటేశ్వరరావు ఇంటితో పాటు హైదరాబాదులోని సరూర్ నగర్, విజయవాడ, మచిలీపట్టణంలోని ఆయన బంధువుల ఇళ్లలో కూడా సోదాలు చేశారు. అన్ని ప్రాంతాలలో ఏకకాలంలో దాడి చేసి భారీ ఆస్తులను కనుగొన్నారు.