మోనికా బేడీ దోషి, అయితే శిక్ష తగ్గింపు: సుప్రీంకోర్టు తీర్పు

న్యూఢిల్లీ: పాస్ పోర్టు ఫోర్జరీ కేసులో బాలీవుడ్ నటి మోనికా బేడీని సుప్రీంకోర్టు మంగళవారం దోషిగా తేల్చింది. అయితే, శిక్షాకాలాన్ని మాత్రం తగ్గించింది. సానా మాలిక్ కమల్ పేరు మీద దొంగ పాస్ పోర్టుపై పారిపోయిన మోనికా బేడీని పోలీసులు పోర్చుగల్ లో పట్టుకున్నారు. హైదరాబాద్ కింది కోర్టు ఈ కేసులో మోనికా బేడీకి ఐదేళ్ల జైలు శిక్ష విధించింది. ఆ శిక్షా కాలాన్ని ఆంధ్రప్రదేశ్ హైకోర్టు మూడేళ్లకు తగ్గించింది.

ఆంధ్రప్రదేశ్ హైకోర్టు తీర్పును సమర్థిస్తూ సుప్రీంకోర్టు మంగళవారం తీర్పును వెలువరించింది. ఈ కేసులో ఇప్పటికే మోనికా బేడీ రెండున్నర ఏళ్ల జైలు శిక్షను అనుభవించింది. దీంతో ఆ మేరకు సుప్రీంకోర్టు మోనికా బేడీకి విధించిన జైలు శిక్షను తగ్గించింది.