• search
  • Live TV
తిరుపతి వార్తల కోసం
నోటిఫికేషన్స్ పై క్లిక్ చేయండి  

వైయస్ జగన్ కు మరో షాక్: చెవిరెడ్డిపై క్రమశిక్షణా చర్యలకు సిద్ధం!

By Srinivas
|
YS Jagan
తిరుపతి: కడప పార్లమెంటు సభ్యుడు వైయస్ జగన్ వర్గానికి పార్టీ అధిష్టానం మరో గట్టి షాక్ ఇచ్చింది. తిరుపతి పట్టణ అభివృద్ధి సంస్థ(తుడా) మాజీ చైర్మన్ చెవిరెడ్డి భాస్కరరెడ్డిపై చర్యలు తీసుకోవాల్సిందిగా కాంగ్రెసు క్రమశిక్షణా సంఘం ప్రదేశ్ కాంగ్రెసు కమిటీ(పిసిసి)కి బుధవారం తెలిపింది. కంతేటి సత్యనారాయణ నేతృత్వంలోని క్రమశిక్షణ కమిటీ రాష్ట్ర కమిటీకి తన నివేదికను అందజేసింది. చెవిరెడ్డి తనకు షోకాజ్ అందిన తర్వాత పార్టీ క్రమశిక్షణా సంఘం ముందు హాజరయి తన వాదనను వినిపించాడు. అయితే చెవిరెడ్డి పార్టీ క్రమశిక్షణకు కట్టుబడి లేడని ఆయనపై క్రమశిక్షణ చర్యలు తీసుకోవచ్చునని తెలిపింది. దీంతో నేడో రేపో పార్టీ ఆయనపై చర్యలు తీసుకోవచ్చు.

గతంలో చెవిరెడ్డి ప్రభుత్వానికి, రోశయ్యకు, మంత్రి గల్లా అరుణకుమారికి వ్యతిరేకంగా పలుమార్లు మాట్లాడిన విషయంలో ఆయనపై చర్యలకు పార్టీ కంతేటి నేతృత్వంలో క్రమశిక్షణ సంఘాన్ని ఏర్పాటు చేసింది. తిరుపతిలో మంత్రి గల్లా అరుణకుమారి వల్ల కాంగ్రెసు నష్ట పోతుందని ఆయన ఆరోపించారు. అంతకుముందు చెవిరెడ్డి కొందరితో కలిసి గల్లా ఇంటిముందు ధర్నాకు సైతం దిగారు. అయితే పోలీసులు జోక్యం చేసుకొని ఆయనను అరెస్టు చేశారు. అయితే తాను ప్రజల సమస్యలపై మంత్రికి లేఖ ఇవ్వడానికి వెళితే అరెస్టు చేశారన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X