ఫ్రీజోన్ పై ఒయు జెఎసి అపీల్ ను అంగీకరించిన సబితా ఇంద్రారెడ్డి

హైదరాబాద్: కానిస్టేబుల్ పోస్టుల మాదిరే సబ్ ఇన్సుపెక్టర్ పోస్టులలోనూ పాటిస్తామని హోంమంత్రి సబితారెడ్డి బుధవారం విద్యార్థులకు హామీ ఇచ్చారు. ఫ్రీజోన్ విషయం తేలే వరకు ఎస్సై పోస్టులను హైదరాబాదులో నిలిపి వేస్తామని ఉస్మానియా యూనివర్శిటీ విద్యార్థుల ఐక్య కార్యాజరణ సమితికి సబితారెడ్డి అన్నారు. అయితే మిగతా ప్రాంతాల్లో మాత్రం పోస్టులను యథావిదిగా భర్తీ చేస్తామని చెప్పారు. హైదరాబాదులో నిలుపుదల చేయిస్తున్నందున ఆయా ప్రాంతాల్లో విద్యార్థులు పోస్టుల భర్తీని ఏవిధంగానూ అడ్డుకోరాదని కోరారు.

ఉస్మానియా యూనివర్శిటీ విద్యార్థుల ఐక్య కార్యాజరణ సమితి(ఓయు జేఏసి) బుధవారం ఉదయం హోంమంత్రి సబితారెడ్డిని కలిసి హైదరాబాద్ ప్రీజోన్ విషయం తేలే వరకు ఎస్సై పోస్టుల భర్తీని హైదరాబాదులో నిలిపి వేయాలని కోరారు. వారు ఈ సందర్భంగా ఆమెకు లేఖను అందజేశారు.