సుఖాంతమైన జీడిమెట్ల బాలుడు దేవదత్తా కిడ్నాప్

హైదరాబాద్: బుధవారం హైదరాబాదులోని జీడిమెట్లలో కిడ్నాప్ కు గురైన దేవదత్తా అనే బాలుడు నల్గొండ జిల్లాలోని యాదగిరిగుట్టలో గురువారం దొరికాడు. బుధవారం సుభాషునగర్లో ఉంటున్న శ్రీకాంత్ అనే వ్యాపారస్తుడి కుమారుడిని నలుగురు కలిసి కిడ్నాప్ తెలిసిన విషయం తెలిసిందే. వారు శ్రీకాంత్ కు ఫోన్ చేసి రూ.60 లక్షలు డిమాండ్ చేశారు.

అయితే జీడిమెట్ల పోలీసులు కేసు నమోదు చేసుకొని దర్యాఫ్తు చేశారు. యాదగిరిగుట్టలోని ఓ ప్రయివేటు లాడ్జిలో ఉన్నట్టు కనుగొన్నారు. లాడ్జి యజమానికి బాలుడిని కిడ్నాప్ చేసి తీసుకువచ్చినట్టు అనుమానం వచ్చి పోలీసులకు సమాచారం అందించడంతో కిడ్నాప్ వ్యవహారానికి తెరపడింది. దీంతో పోలీసులు ఊపిరి పీల్చుకున్నారు. కిడ్నాప్ కు గురైన బాలుడు క్షేమంగానే ఉన్నాడు. కిడ్నాప్ చేసిన వ్యక్తుల్లో సంతోష్ అనే అతను పోలీసులకు దొరికిపోయాడు. మిగిలిన ముగ్గురు పరారయ్యారు. సంతోష్ ఇంతకుముందు శ్రీకాంత్ ఇంట్లో పని చేశాడు.