నిజామాబాదులో జైతెలంగాణ అన్న జయప్రకాశ్ నారాయణ

నిజామాబాద్: చిన్న రాష్ట్రాలకు లోకసత్తా వ్యతిరేకం కాదని ఆ పార్టీ అధ్యక్షుడు జయప్రకాశ్ నారాయణ నిజామాబాదులో అన్నారు. మొదటినుండి తెలంగాణపై స్పష్టమైన వైఖరి జయప్రకాశ్ నారాయణ ప్రకటించలేదు. ఒకవిధంగా ఆయన సమైక్యాంధ్రకే కట్టుబడి ఉన్నారు. ఈ విషయం తెలిసిన నిజామాబాదులో తెలంగాణవాదులు ఆయనను జైతెలంగాణ అని నినదించాల్సిందిగా డిమాండ్ చేశారు. చేసేది లేక ఆయన జైతెలంగాణ అని నినదించారు.

ప్రభుత్వం అన్నదాతలను ఆదుకోవాల్సిన ఆవశ్యకత ఉందని ఆయన అన్నారు. వ్యవసాయరంగంపై చిన్నచూపు చూస్తే దేశ ఆర్థికవ్యవస్థనే దెబ్బతింటుందని ఆయన హెచ్చరించారు. ప్రభుత్వం వ్యవసాయంపై నిర్లక్ష్యం వహిస్తుందని ప్రభుత్వం ఇలాగే ఉంటే ముందు ముందు దేశంలో హింస, అరాచకం వస్తుందన్నారు. అలాంటివి దేశంలో ప్రబలినప్పుడు దానికి కాంగ్రెస్ ప్రభుత్వమే బాధ్యత వహించాలన్నారు.