తెలుగుదేశం తీవ్ర సంక్షోభంతో కొట్టుమిట్టాడుతోంది: శైలజానాథ్

హైదరాబాద్: రాష్ట్రంలో తెలుగుదేశం పార్టీ తీవ్ర సంక్షోభంలో కొట్టుమిట్టాడుతుందని కాంగ్రెసు పార్టీ చీప్ విప్ శైలజానాథ్ గురువారం విలేకరుల సమావేశంలో విమర్శించారు. సంక్షోభంనుండి బయటపడేందుకు వారికి ఏ దారి దొరకడం లేదన్నారు. అయితే విమర్శలతో సంక్షోభం నుండి బయట పడడానికి ప్రయత్నాలు చేస్తున్నారని ఆరోపించారు. అందుకే యనమల రామకృష్ణుడులాంటి సీనియర్ నాయకులు కాంగ్రెసు ను, ముఖ్యమంత్రి రోశయ్యను విమర్శిస్తున్నారన్నారు.

మాజీ ముఖ్యమంత్రి, తెలుగుదేశం పార్టీ అధినేత చంద్రబాబునాయుడుకు వత్తాసు పలకుతున్న టిడిపి నాయకుల మాటలు దయ్యాలు వేదాలు వల్లించడమేనన్నారు. దివంగత ఎన్టీఆర్ ను పదవీచ్యుతుని చేసిన పాపంలో చంద్రబాబుతో పాటు యనమల కూడా భాగం ఉందన్నారు. కాంగ్రెసు ను, ముఖ్యమంత్రిని, మంత్రులను విమర్శించే ముందు వారి స్థాయిని తెలుసుకోవాలని సూచించారు.