అమెరికా రోడ్డు ప్రమాదంలో హైదరాబాద్ యువతి మృతి

హైదరాబాద్: అమెరికాలోని మోరాయ్ యూనివర్శిటీల చదువుకుంటోన్న అర్పణ అనే యువతి కన్నుమూసింది. సికింద్రాబాద్ జనరల్‌ బజార్ ‌కు చెందిన రియల్టర్ రవీందర్, అనితల సంతానం. అర్చన, అర్పణ అమెరికాలోని నాస్విల్ టెన్నీస్ ప్రాంతంలో ఉంటూ మోరాయ్ యూనివర్శిటీలో ఎంఎస్ చేస్తున్నారు. అర్చల, అర్పణలు కవలలు. 23 ఏళ్ల వయసు ఉంటుంది. వీరిద్దరు మరో ముగ్గురు స్నేహితులతో కలిసి కారులో వెళుతుండగా ఓ ట్రక్కు వేగంగా దూసుకొచ్చి వీరిని ఢీకొట్టింది. అర్పణ ప్రమాదస్థలంలోనే కన్నుమూసింది.

కాగా అర్చనకు తీవ్ర గాయ్యాయి. అర్చనను దగ్గరలోని ఆస్పత్రిలో చేర్చారు. ఈ విషాదం భారత కాలమానం ప్రకారం శనివారం ఉదయం 7గంటలకు అమెరికాలోని నాస్విల్ టెన్నీస్ ప్రాంతంలో జరిగింది. ఈ కవలలు ప్రమాదం విషయం తెలిసిన తల్లిదండ్రులు రవీందర్, అనితలు కన్నీరుమున్నీరుగా విలపిస్తున్నారు. ఆస్పత్రిలో చికిత్స పొందుతున్న అర్చన బాగోగులు చూసుకోవటానికి తాను అమెరికా వెళ్లేందుకు సహకరించాలని రవీందర్ ప్రభుత్వాన్ని కోరారు.