టిడిపిని చీల్చాలని దేశాధినేతలే ప్రయత్నించారు: పయ్యావుల

అనంతపురం: తెలుగుదేశం పార్టీని గతంలో దేశాధినేతలే చీల్చాలని ప్రయత్నించారని అయితే వారి ప్రయత్నాలు ఫలించలేదని, తెలుగుదేశాన్ని చీల్చడానికి ప్రయత్నించిన వారు విఫలమయ్యారని తెలుగుదేశం పార్టీ సీనియర్ నేత పయ్యావుల కేశవ్ అన్నారు. వ్యవసాయశాఖమంత్రి రఘువీరారెడ్డి మాటలు కోటలు దాటినా ఆయన అడుగులు మాత్రం పొలాలో పడటం లేదని విమర్శించారు. రఘువీరారెడ్డి రైతులపట్ల నిర్లక్షం వహిస్తున్నారన్నారు.

అనంతపురంలో 3వేల కోట్ల రూపాయల మేర పంట నష్టం వాటిల్లిందని ఆయన అన్నారు. అయినా ప్రభుత్వం పట్టించుకోవడం లేదని విమర్శించారు. రాష్ట్ర గవర్నర్ నరసింహన్ అనంతపురం జిల్లాలో పర్యటించాలని కోరారు. ఇక్కడ పర్యటంచి ఇక్కడి రైతుల వేతలు ఆయన చూడాలన్నారు.