• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

స్పీకర్ కు వివరణ ఇచ్చిన తెదేపా అసమ్మతి ఎమ్మెల్యే ప్రసన్నకుమార్

By Srinivas
|
Prasanna Kumar Reddy
హైదరాబాద్: తెలుగుదేశం పార్టీకి చెందిన కొవ్వూరు ఆసమ్మతి శాసనసభ్యుడు నల్లపురెడ్డి ప్రసన్నకుమార్ రెడ్డి మంగళవారం శాసనసభ సభాపతి(అసెంబ్లీ స్పీకర్) కిరణ్ కుమార్ రెడ్డితో భేటీ అయ్యారు. సభాపతిని కలిసిన ప్రసన్నకుమార్ రెడ్డి సభాపతి పంపిన నోటీసుకు వివరణ ఇచ్చుకున్నారు. సభాపతికి వివరణ ఇచ్చుకున్న అనంతరం ఆయనను మీడియా ప్రతినిధులతో మాట్లాడటానికి నిరాకరించారు.

ప్రసన్నకుమార్ గత కొంతకాలంగా తెలుగుదేశం పార్టీ అధ్యక్షుడు చంద్రబాబునాయుడుని విమర్శిస్తున్నారు. చంద్రబాబులో మార్పు కోరుకుంటున్నానంటు ప్రకటనలు చేశాడు. క్రమంగా తెలుగుదేశం పార్టీకి దూరంగా ఉంటున్నాడు. టిడిపి కార్యకలాపాల్లో కూడా పాలు పంచుకోవటం లేదు. టిడిపి శాసనసభ్యుడుగా ఉంటూ టిడిపికి, బాబుకు వ్యతిరేకంగా మాట్లాడుతున్న ఆయనపై టిడిపి సభాపతికి ఫిర్యాదు చేసింది. వారి ఫిర్యాదు మేరకు కిరణ్ కుమార్ ప్రసన్నకుమార్ కు నోటిసులు పంపారు.

కాగా ప్రసన్నకుమార్ టిడిపికి దూరమవుతూనే క్రమంగా కడప పార్లమెంటు సభ్యుడు వైయస్ జగన్మోహన్ రెడ్డికి దగ్గరవుతున్నాడు. శ్రీ పొట్టి శ్రీరాములు నెల్లూరు జిల్లాలో జరిగిన ఓదార్పు యాత్రలో జగన్ తో పాటు పాల్గొన్నాడు. తన తండ్రి మరణవార్త విని చనిపోయిన వారి కుటుంబాలను ఓదార్పు యాత్ర పేరుతో పరామర్శించటం జగన్ మంచితనానికి నిదర్శమని, ఆయన బాటలో నడుస్తానని చెప్పాడు. జిల్లాలో జరిగిన ఓదార్పు ముగింపు యాత్రలో కూడా ఆయన లక్ష్మీపార్వతి, రోజా తదితరులతో కలిసి పాల్గొన్నాడు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X