సోనియా గాంధీ తాజా హెచ్చరిక: వైయస్ జగన్ వింటారా?

న్యూఢిల్లీ: కాంగ్రెసు అధ్యక్షురాలు సోనియా గాంధీ చేసిన తాజా హెచ్చరికలను పార్లమెంటు సభ్యుడు వైయస్ జగన్ వింటారా అనేది చర్చనీయాంశంగా మారింది. ఏదో కారణం చూపుతూ వైయస్ జగన్ కొన్ని నెలలుగా పార్లమెంటు సమావేశాలకు దూరంగా ఉంటున్నారు. పార్లమెంటుకు గైర్హాజరవుతున్న పార్టీ పార్లమెంటు సభ్యులకు సోనియా హెచ్చరికలు జారీ చేశారు. పార్లమెంటు శీతాకాల సమావేశాలకు రేపటి నుంచి హాజరు కాని సభ్యులపై క్రమశిక్షణా చర్యలు తీసుకుంటామని సోనియా బుధవారం హెచ్చరించారు.

సోనియా హెచ్చరికలను జగన్ ఖాతరు చేస్తారా, లేదా అనేది ఆసక్తికరంగా మారింది. వైయస్ జగన్ పార్లమెంటు సమావేశాలకు హాజరు కాకపోతే ఎదురయ్యే పరిణామాలు ఏమిటనే విషయంపై కూడా చర్చ జరుగుతోంది. అయితే, జగన్ పై చర్యలు తీసుకుంటే ఎదురయ్యే పరిణామాలపై కూడా అధిష్టానం ఆలోచిస్తుందని అంటున్నారు.