ఆత్మహత్య చేసుకుంటామని బెదిరిస్తున్న డిఎస్సీ - 2008 అభ్యర్థులు

హైదరాబాద్: తమకు ఉద్యోగాలు ఇవ్వకపోతే ఆత్మహత్య చేసుకుంటామని డిఎస్సీ - 2008 బిఇడి అభ్యర్థులు హెచ్చరిస్తున్నారు. వారు శుక్రవారం ఉదయం హైదరాబాదులోని పాఠశాల విద్యాశాఖ కార్యాలయాన్ని వారు ముట్టడించారు. పెట్రోల్ బాటిళ్లతో భవనంపైకి ఎక్కి ఆందోళనకు దిగారు. ఇస్తారా, చావమంటారా అంటూ వారు నినాదాలు చేస్తున్నారు. తమకు ఉద్యోగాలు ఇవ్వకపోతే పెట్రోల్ పోసుకుని నిప్పంటించుకుంటామని హెచ్చరిస్తున్నారు. దీంతో అక్కడ తీవ్ర ఉద్రిక్తత నెలకొంది.

డిఎస్సీ - 2008 బిఇడి అభ్యర్థుల్లో అర్హులైవారికి పోస్టింగ్స్ ఇవ్వాలని వారు డిమాండ్ చేస్తున్నారు. అయితే, వారికి ఉద్యోగాలు ఇవ్వడం సాధ్యం కాదనే మాట వినిపిస్తోంది. ఇప్పటికే బిఇడి, డిఇడి అభ్యర్థులకు 70, 30 నిష్పత్తి చొప్పున ఉద్యోగాలు ఇస్తూ నియామకాలు కూడా చేపట్టారు.