కాంగ్రెసు వైపు పోతుల సురేష్: పరిటాల సునీత కలవరం
పోతుల సురేష్ ను, చమన్ ను కాంగ్రెసులో చేర్పించడానికి వారి సామాజిక వర్గాలకు చెందిన నాయకులు తీవ్రంగా ప్రయత్నాలు సాగిస్తున్నట్లు తెలుస్తోంది. ఈ నేపథ్యంలో తీవ్ర ఆందోళనకు గురైన పరిటాల సునీత పోతుల సురేష్ ను జైలులో కలవడానికి సిద్ధపడ్డారు. కాంగ్రెసులోకి వెళ్లవద్దని ఆమె పోతుల సురేష్ ను కోరే అవకాశం ఉంది. ఇటీవల పోతుల సురేష్ భార్య పోతుల సునీత తెలుగుదేశం పార్టీ అధ్యక్షుడు నారా చంద్రబాబునాయుడిని కలిశారు. తన భర్తకు ప్రాణహాని ఉందని, తగిన భద్రత కల్పించేలా ప్రభుత్వంపై ఒత్తిడి తేవాలని ఆమె చంద్రబాబుతో చెప్పుకున్నారు. అయితే, పరిస్థితిలో ఎలాంటి మార్పు రాలేదు. ఈ స్థితిలో ప్రాణాలను కాపాడుకోవడానికి, ఇతరత్రా కారణాల రీత్యా పోతుల సురేష్ కాంగ్రెసులో చేరాలని అనుకుంటున్నట్లు చెబుతున్నారు.
Story first published: Friday, November 19, 2010, 14:53 [IST]