మావోయిస్టు అగ్రనేత హతం: విశాఖ మన్యంలో ఎన్ కౌంటర్?

విశాఖపట్నం: విశాఖపట్నం మన్యంలో మావోయిస్టు అగ్రనేత మరణించినట్లు అనుమానిస్తున్నారు. విశాఖ మన్యంలో శుక్రవారం రాత్రి జరిగిన ఎన్‌కౌంటర్లో ఇద్దరు మావోయిస్టులు ప్రాణాలు కోల్పోయారు. కొయ్యూరు మండలం ఉల్లివలసలో జరిగిన ఈ ఎదురుకాల్పుల్లో ఇద్దరు నక్సల్స్‌ చనిపోయినట్లు పోలీసు అధికారులు తెలిపారు. ఘటనాస్థలంనుంచి ఆయుధాలను పోలీసులు స్వాధీనం చేసుకున్నారు.

కాగా, విశాఖపట్నం నుంచి డిఐజి, ఎస్పీ సంఘటనా స్థలానికి హెలికాప్టర్ లో బయలుదేరి వెళ్లారు. దీంతో మరణించినవారిలో మావోయిస్టు అగ్రనేత ఎవరైనా ఉండవచ్చుననే అనుమానాలు వ్యక్తమవుతున్నాయి. అయితే, అతను ఎవరనేది చెప్పడం సాధ్యం కావడం లేదు. మావోయిస్టు శవాలు బొక్క బోర్లా పడ్డాయి. వాటిని వెల్లకిలా తిప్పి ముఖాలు చూడడానికి కూడా పోలీసులు అనుమతించడం లేదని తెలుస్తోంది.