పార్టీ పెట్టాలనుకుంటే అందుకు చాలా మార్గాలున్నాయి: కె కేశవరావు

హైదరాబాద్: కడప పార్లమెంటు సభ్యుడు వైయస్ జగన్మోహన్ రెడ్డి స్థాపించిన సాక్షి మా పార్టీకి సంబంధించినది కాబట్టి మాకు అనుకూలంగా ఉంటుందని భావించానని, కాని అలా ఉండకపోవటం తనను బాధిస్తుందని కాంగ్రెసు సీనియర్ నాయకులు కె కేశవరావు ఆదివారం అన్నారు. జగన్ వేరే పార్టీ పెట్టాలనుకుంటే అందుకు చాలా మార్గాలు వేరే ఉన్నాయన్నారు. పార్టీ పెట్టుకోవాలనే ఉద్దేశ్యంతో ఉంటే ఏఐసిసి అధ్యక్షురాలు సోనియాగాంధీని తక్కువ చేసి చూపించడం సరికాదని ఆయన అన్నారు.

రాష్ట్రంలో జరుగుతున్న వరుస పరిణామాలు తనను బాధిస్తున్నాయని ఆయన అన్నారు. సాక్షి కథనాలను ఖండిస్తున్నాని కేశవరావు చెప్పారు. అయితే సాక్షి పత్రికలో సోనియాకు వ్యతిరేకంగా వచ్చిన వార్తలపై కాంగ్రెసు కార్యకర్తలు తీరుకూడా నన్ను బాధిస్తుందన్నారు. వైయస్ అభిమానించే పత్రికలో సాక్షి పత్రికలో కాంగ్రెసు కు వ్యతిరేకంగా రాస్తుండటాన్ని చూసి వైయస్ ఆత్మ క్షోభిస్తుందని మరో నాయకుడు మల్లు భట్టి విక్రమార్క అన్నారు. సోనియాపై ప్రసారాన్ని తాను ఖండిస్తున్నట్లు చెప్పాడు.