• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

రాజకీయ దురుద్దేశాలతోనే సోనియాపై సాక్షి వార్తాకథనం: సిఎం రోశయ్య

By Pratap
|
Rosaiah
హైదరాబాద్: పార్లమెంటు సభ్యుడు వైయస్ జగన్‌కు చెందిన చానల్‌లో సోనియా గాంధీపై ప్రసారమైన కథనాన్ని ముఖ్యమంత్రి రోశయ్య ఖండించారు. రాజకీయ దురుద్ధేశాలతోనే ఇలాంటి కథనాన్ని ప్రసారం చేశారని ఆగ్రహించారు. సోనియా నాయకత్వంలో కాంగ్రెస్ పార్టీ వెలిగిపోతోందని స్పష్టం చేశారు. ఈ మేరకు ఆయన శనివారం రాత్రి రోశయ్య మీడియాకు ఒక లేఖ విడుదల చేశారు.

"1988 తర్వాత ఇబ్బందుల్లో పడిన కాంగ్రెస్‌ను బలోపేతం చేసి 2004, 2009లో రెండుసార్లు కేంద్రంలో అధికారంలోకి తెచ్చేందుకు సోనియా కృషి చేశారు. యూపీఏ అధ్యక్షురాలిగా ఆమె నేతృత్వంలో దేశం అభివృద్ధి చెందుతోంది. కీలకమైన పదవులను కాదని త్యాగశీలిగా పేరుగాంచిన సోనియా అధ్యక్షతన ప్రతి సభ్యుడు నిబద్ధతగా పనిచేస్తున్నారు. అలాంటి నాయకురాలి పట్ల వ్యతిరేక వ్యాఖ్యలు, కథనాలు ప్రసారం చేయడం తగదు. ఈ కథనాన్ని ప్రతి ఒక్కరూ ఖండించాలి" అని కోరారు. పలు రాజకీయ పార్టీలకు చెందిన గొప్ప నాయకులు ఆమె నేతృత్వంలో యూపీఏ గొడుగు కింద పనిచేస్తున్నారని రోశయ్య గుర్తు చేశారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X