ముఖ్యమంత్రి మార్పు కాంగ్రెసు అంతర్గత విషయం: కెసిఆర్

హైదరాబాద్: ముఖ్యమంత్రిగా కొణిజేటి రోశయ్య రాజీనామా చేయటం కాంగ్రెసు పార్టీ అంతర్గత విషయమని తెలంగాణ రాష్ట్ర సమితి అధ్యక్షుడు కె చంద్రశేఖరరావు బుధవారం విలేకరులతో అన్నారు. ఆ విషయంపై తాము ఆలోచించటం లేదని చెప్పారు. కాగా తన రాజీనామాను రాజ్ భవన్లో గవర్నర్ నరసింహన్ కు రోశయ్య ఇచ్చిన విషయం తెలియగానే తెలంగాణ నేతలు కొందరు తమతమ యత్నాలు ప్రారంభించారు. అందుకు వారు ముమ్మర యత్నాలు ప్రారంభించారు. కాగా కాంగ్రెసు ముఖ్యమంత్రులను మార్చటం అలవాటేనని టిడీపీ అధ్యక్షుడు నారా చంద్రబాబునాయుడు విమర్శించారు. ముఖ్యమంత్రిని మార్చినంత మాత్రాన సమస్యలు తీరనవి ఆయన అభిప్రాయపడ్డారు.

తెలంగాణ వ్యతిరేకులను ముఖ్యమంత్రిగా చేయవద్దని తెలంగాణ నాయకులు కోరుతున్నారు. తెలంగాణకు సంబంధించిన వారిని కాకుండా వేరే వారిని చేస్తే ఊరుకోమని మాజీ మంత్రి దామోదరరెడ్డి అన్నారు. కాగా ముఖ్యమంత్రి రాజీనామాను గవర్నర్ నరసింహన్ ఆమోదించారు. కొత్త ముఖ్యమంత్రిని ఎన్నికునే వరకు ఆపద్ధర్మ ముఖ్యమంత్రిగా కొనసాగాలని ఆయన కోరారు.