సిఎం ఎవరైనా తెలంగాణ కోసం పోరాటం తప్పదు: కోదండరామ్

హైదరాబాద్: ఎవరిని ముఖ్యమంత్రిగా చేసిన తెలంగాణకు ఒరిగేది ఏమీ లేదని తెలంగాణ రాజకీయ ఐక్య కార్యాచరణ సమితి చైర్మన్ ప్రొఫెసర్ కోదండరాం బుధవారం మీడియాతో అన్నారు. ముఖ్యమంత్రి మారినా తెలంగాణ పరిస్థితులు మారవని అన్నారు. కాంగ్రెస్ అంతర్గత విషయాలతో తమకు సంబంధం లేదన్నారు. తమ లక్ష్యం తెలంగాణ రాష్ట్రమే అని ఆయన ప్రకటించారు. రాష్ట్రం విడిపోయే వరకు మా ఉద్యం కొనసాగుతుందని ఆయన అన్నారు.

కాగా తెలంగాణ వారికి ముఖ్యమంత్రి పదవి ఇవ్వవద్దని ఉస్మానియా విశ్వవిద్యాలయ ఐక్య కార్యాచరణ సమితి డిమాండ్ చేసింది. తెలంగాణ వారికి పదవి ఇచ్చి ఉద్యమాన్ని నీరుగార్చవద్దన్నారు. ముఖ్యమంత్రిగా తెలంగాణకు చెందిన పర్యాటక శాఖామంత్రి గీతారెడ్డి, పార్లమెంటు సభ్యుడు జైపాల్ రెడ్డి తదితరులు పేర్లు వినిపిస్తున్న తరుణంలో వారు ఈ ప్రకటన చేశారు.