జగన్ను సోనియాకు దూరం చేయాలని యత్నిస్తున్నారు: వివేకానంద

న్యూఢిల్లీ: కడప పార్లమెంటు సభ్యుడు జగన్మోహన్ రెడ్డిని కొందరు ఏఐసిసి అధ్యక్షురాలు సోనియాగాంధీకి దూరం చేసే యత్నం చేస్తున్నారని దివంగత ముఖ్యమంత్రి వైఎస్ రాజశేఖరరెడ్డి సోదరుడు వైఎస్ వివేకానంద ఆరోపించారు. జగన్ పార్టీకి, సోనియాకు దగ్గరగానే ఉన్నారని ఆయన చెప్పాడు. మీడియానే కాంగ్రెస్ లో వర్గాలు అని విడగొట్టినట్టు వ్యాఖ్యలు చేస్తుందన్నారు. కాంగ్రెస్ లో వర్గాలంటూ లేవని, అలాగే జగన్ వర్గం అంటూ కూడా మీడియా ప్రచారం చేస్తుందన్నారు.

జగన్ కంటూ వర్గం లేదని, ఆయనది కాంగ్రెస్ వర్గం అని చెప్పారు. జగన్ పార్టీ అంటూ ఏదీ పెట్టడం లేదని ఆయన అన్నారు. వైఎస్ కుటుంబం కాంగ్రెస్ పటిష్టతకే ఎప్పుడు కృషి చేస్తుందని అన్నారు. పార్టీలో అందరినీ కలుపుకొని పోతానని వివేకానంద చెప్పాడు. అధిష్టానాన్ని మంత్రి పదవి కోరేందుకే ఢిల్లీ వచ్చానని ఆయన చెప్పారు.