కెప్టెన్ కిరణ్ కుమార్ రెడ్డి టీమ్ ఇదేనా, 11కే పరిమితమా?

న్యూఢిల్లీ: కెప్టెన్ కిరణ్ కుమార్ రెడ్డి టీమ్ ప్రస్తుతానికి 11 మందికే పరిమితం అవుతున్నట్లు వార్తలు వస్తున్నాయి. ముఖ్యమంత్రితో కలిపి 11 మంది మంత్రులు మాత్రమే ప్రస్తుతానికి ఉంటారని చెబుతున్నారు. వారి పేర్లు ఖరారైనట్లు ఓ ప్రైవేట్ తెలుగు టీవీ చానెల్ తెలిపింది. వారి పేర్లను కూడా వెల్లడించింది. మంత్రులుగా నియమితులయ్యే వారిలో 9 మంది పేర్లను ఆ చానెల్ వెల్లడించింది. మరొకరి పేరు తెలియాల్సి ఉంది. వీరిలో ఏడుగురు పాతవారు, ఇద్దరు కొత్తవారు ఉన్నారు.

రఘువీరా రెడ్డి, ధర్మాన ప్రసాదరావు, గల్లా అరుణ కుమారి, ఆనం రామనారాయణ రెడ్డి, డొక్కా మాణిక్యవరప్రసాద్, సబితా ఇంద్రా రెడ్డి, శ్రీధర్ బాబులను తొలి విడత కిరణ్ కుమార్ రెడ్డి తొలి విడత మంత్రివర్గంలోకి తీసుకుంటారని భావిస్తున్నారు. వారితో పాటు కొత్తగా శాసనసభ్యుడు ఎరాసు ప్రతాప రెడ్డికి, ఎమ్మెల్సీ వైయస్ వివేకానంద రెడ్డికి మంత్రివర్గంలో స్థానం లభిస్తుందని అంటున్నారు. కడప పార్లమెంటు సభ్యుడు వైయస్ జగన్ ను బలహీనపరచడానికి వైయస్ వివేకానంద రెడ్డిని మంత్రివర్గంలోకి తీసుకుంటున్నట్లు సమాచారం.