పూలే ఆశయసాధనలో ఎన్టీఆర్ నడిచారు: చంద్రబాబు

హైదరాబాద్: వెనుకబడిన వర్గాల అభ్యన్నతికి కృషి చేసిన పూలే బాటలో తెలుగుదేశం పార్టీ వ్యవస్థాపకులు, దివంగత ముఖ్యమంత్రి పాటు పడ్డారని ఆ పార్టీ రాష్ట్ర అధ్యక్షుడు, మాజీ ముఖ్యమంత్రి నారా చంద్రబాబునాయుడు ఆదివారం అన్నారు. చంద్రబాబు పూలే వర్ధంతి సందర్భంగా ఆదివారం ఎన్టీఆర్ ట్రస్టు భవన్లో నివాళులు అర్పించారు. అనంతరం ఆయన మాట్లాడారు.

పూలే, ఎన్టీఆర్ బాటలో తెలుగుదేశం పార్టీ కార్యకర్తలు అందరూ నడవాలని ఆయన పిలుపునిచ్చారు. పేదరికంలేని సమాజం కోసం కార్యకర్తలు కృషిచేయాలన్నారు. పూలే జీవితం అందరికీ ఆదర్శమన్నారు. ఆయన బాటలోనే తెలుగుదేశం పార్టీ నడుస్తుందని చంద్రబాబు చెప్పారు. వెనుకబడిన వర్గాల కోసం తెలుగుదేశం పార్టీ రాజీలేని పోరాటం చేస్తుందన్నారు.