రాజీనామా విషయం తెలియదు: వైయస్ జగన్ వెంటే కొండా సురేఖ

హైదరాబాద్: లోకసభ సభ్యత్వానికి రాజీనామా చేసినా వైయస్ జగన్ వెంటే ఉండాలని కాంగ్రెసు శాయంపేట శాసనసభ్యురాలు, మాజీ మంత్రి కొండా సురేఖ నిర్ణయించుకున్నారు. తాను వైయస్సార్ కుటుంబానికి విధేయురాలిగానే ఉంటానని ఆమె సోమవారం మీడియా ప్రతినిధులతో చెప్పారు. వైయస్ జగన్ రాజీనామా విషయం తమకు తెలియదని ఆమె అన్నారు. జగన్ రాజీనామా చేస్తే తాము రాజీనామా చేయాల్సిన అవసరం లేదని ఆమె అన్నారు.

తనకు మంత్రి పదవి వస్తుందనే ఆశ లేదని ఆమె అన్నారు. వైయస్సార్ సోదరుడు వైయస్ వివేకానంద రెడ్డిని కాంగ్రెసు అధిష్టానం పావులా వాడుకుందని, దానికి వైయస్ జగన్ బాధపడుతున్నారని ఆమె అన్నారు. సురేఖతో పాటు ఆమె భర్త, ఎమ్మెల్సీ కొండా మురళి కూడా మొదటి నుంచి కూడా వైయస్ జగన్ వెంటే ఉన్నారు.