వైయస్ జగన్ కి బాబాయ్ వైయస్ వివేకానంద కౌంటర్ వ్యూహం

కడప: దివంగత ముఖ్యమంత్రి వైయస్ రాజశేఖరరెడ్డి తమ్ముడు, శాసనమండలి సభ్యుడు వైయస్ వివేకానంద సోమవారం కడప జిల్లాలోని కాంగ్రెసు నాయకులతో మంతనాలు జరిపారు. కడప పార్లమెంటు సభ్యుడు వైయస్ జగన్మోహన్ రెడ్డి ధిక్కారానికి చెక్ చెప్పేందుకు అధిష్టానం వివేకానందను రంగంలోకి దించిన విషయం తెలిసిందే. న్యూఢిల్లీలో సోనియాగాంధీతో పాటు పలువురు కాంగ్రెసు పెద్దలతో భేటీ అనంతరం ఆయన కడపకు తిరిగి వచ్చారు. వివేకానంద కడపలో భేటీ నిర్వహించారు. జగన్ తో వెళ్లేవాళ్లు ఎందరు, వెళితే పరిణామాలు ఏమిటి అనే తదితర అంశాలపై చర్చించినట్లు సమాచారం.

తాను కాంగ్రెసు వాదినని, కాంగ్రెసు పార్టీలోనే ఉంటానని మాజీమంత్రి అహ్మదుల్లా, కడప శాసనసభ్యుడు అహ్మదుల్లా అన్నారు. ఏఐసిసి అధ్యక్షురాలు సోనియాగాంధీ నాయకత్వంలోనే పని చేస్తానని ఆయన ప్రకటించారు. అధిష్టానం నియమించిన కిరణ్ కుమార్ రెడ్డిని ముఖ్యమంత్రిగా అంగీకరిస్తున్నానని ఆయన చెప్పారు. కిరణ్ కుమార్ రెడ్డికి పూర్తిగా సహకరిస్తానని ఆయన అన్నారు.