డిసెంబర్లో తెలంగాణ బిల్లుకోసం సహాయ నిరాకరణ: గద్దర్

హైదరాబాద్: పార్లమెంటులో తెలంగాణ బిల్లు పెట్టించడమే తమ ఉద్యమ లక్ష్యమని తెలంగాణ ప్రజా ఫ్రంట్ వ్యవస్థాపక కన్వీనర్, ప్రజా గాయకుడు గద్దర్ మంగళవారం అన్నారు. పార్లమెంటులో బిల్లు ప్రవేశ పెట్టించడానికి తెలంగాణలోని మంత్రులు, శాసనసభ్యులు, శాసనమండలి సభ్యులు అందరూ కృషి చేయాలన్నారు. బిల్లు పెట్టించడం కోసం డిసెంబర్లో ఎంపీలు, ఎమ్మెల్యేల ఇంటిముందు తెలంగాణ ప్రజా ఫ్రంట్ ఆధ్వర్యంలో సహాయ నిరాకరణ చేపడతామని చెప్పారు.

గద్దర్ మంగళవారం తెలంగాణ అమరవీరుల త్యాగఫలిత దినం పోస్టరును విడుదల చేశారు. ముఖ్యమంత్రి కిరణ్ కుమార్ రెడ్డి తెలంగాణ విద్యార్థులపై పెట్టిన కేసులను ఎత్తివేయాలని కోరారు. తన మంత్రివర్గాన్ని ఏర్పాటు చేయగానే మొదట విద్యార్థులపై ఉన్న కేసులనే ఎత్తివేయాలని డిమాండ్ చేశారు.