దానం నాగేందర్ తెలంగాణ మంత్రి కారా? వ్యంగ్య వ్యాఖ్య..

హైదరాబాద్‌: దానం నాగేందర్ తెలంగాణకు చెందిన మంత్రి కారా అనే అనుమానాలు తలెత్తుతున్నాయి. రాష్ట్ర మంత్రిగా ఆయన ప్రమాణ స్వీకారం చేసిన మాట వాస్తవమే. కానీ ఆయన తెలంగాణ ప్రాంతానికి చెందినవారు కారా అనే సందేహం పుడుతోంది. శ్రీకృష్ణ కమిటీ నివేదిక తెలంగాణకు అనుకూలంగా నివేదిక రాకపోతే డిసెంబర్ 31వ తేదీ తర్వాత తెలంగాణ మంత్రులు రాజీనామా చేయాలనే డిమాండ్ పై ప్రశ్నించగా తెలంగాణ మంత్రులను అడగండి అంటూ ఆయన నవ్వులు విసిరారు.

దానం నాగేందర్ తెలంగాణకు చెందినవారు కారా, లేదంటే హైదరాబాదు తెలంగాణలో లేదా అనే అనుమానాలను వ్యక్తం చేస్తూ దానం నాగేందర్ పై విమర్శలు కురిపిస్తున్నారు. దానం నాగేందర్ హైదరాబాదుకు చెందినవారనే విషయం అందరికీ తెలిసిందే. హైదరాబాదు తెలంగాణ రాష్ట్రంలో కాకుండా విడిగా ఉంటుందా అనే అనుమానాలు కూడా వ్యక్తం చేస్తున్నారు.