వైయస్ జగన్ కోరిక నెరవేరింది: మంత్రి డిఎల్ రవీంద్రా రెడ్డి

హైదరాబాద్‌: దివంగత నేత వైయస్ రాజశేఖర రెడ్డి కుమారుడు వైయస్ జగన్ కోరిక నెరవేరిందని మంత్రి డిఎల్ రవీంద్రా రెడ్డి అన్నారు. వైయస్ వివేకానంద రెడ్డిని ఎమ్మెల్సీని చేసి మంత్రిని చేయాలని వైయస్ జగన్ కోరుకున్నారని, ఇప్పుడు వైయస్ వివేకానంద రెడ్డి మంత్రి అయ్యారని, తద్వారా వైయస్ జగన్ కోరిక నెరవేరిందని ఆయన బుధవారం మీడియా ప్రతినిధులతో అన్నారు.

తనకు 2004లో మంత్రి పదవి రాలేదని, జెసి దివాకర్ రెడ్డికి మంత్రి పదవి వచ్చిందని, అప్పుడు తాను ఎవరినీ నిందిచలేదని ఆయన అన్నారు. జెసి దివాకర్ రెడ్డి ఇప్పుడు మంత్రి పదవి దక్కకున్నా గతంలో తనలాగే ఇప్పుడు పని చేయాలని ఆయన అన్నారు.