ఇప్పుడున్న పరిస్థితుల్లో ఇది బెస్టు క్యాబినెట్: శంకరరావు

హైదరాబాద్: మూడు ప్రాంతాలకు సమాన ప్రాతినిథ్యాన్ని కల్పిస్తు ముఖ్యమంత్రి కిరణ్ కుమార్ రెడ్డి, కాంగ్రెసు పార్టీ అధిష్టానం మంత్రివర్గాన్ని తీసుకోవడం చాలా సంతృప్తినిచ్చిందని మంత్రి శంకరరావు బుధవారం మంత్రిగా ప్రమాణ స్వీకారం చేసిన అనంతరం మాట్లాడుతూ చెప్పారు. ఆయా సామాజిక వర్గాలకు సైతం మంత్రివర్గంలో ప్రాధాన్యం లభించిందన్నారు. ప్రాంతాలను, సామాజిక కోణాన్ని దృష్టిలో పెట్టుకొని బ్యాలెన్సు చేస్తూ ఇవ్వాలి కాబట్టి అలాగే కూర్పు చేశారన్నారు.

ఇప్పుడున్న పరిస్థితిల్లో ఇది మంచి మంత్రివర్గంమన్నారు. పోర్టు పోలియోలలో కూడా ప్రాధాన్యత ప్రకారం ఇస్తారని ఆయన ఆశాభావం వ్యక్తం చేశారు. 2014 ఎన్నికలలో కాంగ్రెసు పార్టీ మళ్లీ అధికారంలోకి వస్తుందన్నారు. అప్పటికి తెలంగాణ ప్రక్రియ పూర్తయితే అప్పుడు తెలంగాణతోపాటు సీమాంధ్ర ప్రాంతాలలోనూ కాంగ్రెసు పార్టీ హవా ఉంటుందన్నారు. కాంగ్రెసు పార్టీ యువకులకు, మహిళలకు ప్రాధాన్యత ఇస్తుందన్నారు.