వైయస్ జగన్ తో రాజకీయాలు చర్చించలేదు: కాటసాని రాంభూపాల్ రెడ్డి

హైదరాబాద్‌: కొత్త పార్టీ పెట్టడానికి రంగం సిద్ధం చేసుకుంటున్న వైయస్ జగన్ తో తాను రాజకీయాలు చర్చించలేదని కాంగ్రెసు అసమ్మతి శాసనసభ్యుడు కాటసాని రాంభూపాల్ రెడ్డి చెప్పారు. ఆయన శుక్రవారం ఉదయం వైయస్ జగన్ ను కలిశారు. తన కూతురు పెళ్లికి వైయస్ జగన్ ను ఆహ్వానించడానికి వచ్చినట్లు భేటీ అనంతరం మీడియా ప్రతినిధులతో చెప్పారు. అభిమానుల కోరిక మేరకే తన రాజకీయ భవిష్యత్తు ఉంటుందని ఆనయ చెప్పారు.

తనకు మంత్రి పదవి ఇవ్వకపోవడంపై అసంతృప్తి ఉందని ఆయన అంగీకరించారు. సీనియర్ శానససభ్యుడిని అయిన తనకు మంత్రి పదవి ఎందుకు ఇవ్వలేదో ముఖ్యమంత్రి కిరణ్ కుమార్ రెడ్డి సమాధానం చెప్పాలని ఆయన డిమాండ్ చేశారు. ఈ విషయాన్ని తాను పార్టీ అధిష్టానం దృష్టికి తీసుకుని వెళ్తానని ఆయన చెప్పారు.