తోటి ఉపాధ్యాయురాలి కూతురిపైనే లైంగిక వేధింపులు

అనంతపురం: అనంతపురం జిల్లాలో విద్యార్థినిపై లైంగిక వేధింపులకు పాల్పండిన ఓ కీచక ప్రధానోపాధ్యాయుడి ఉదంతం బయటకు వచ్చింది. అనంతపురం జిల్లాలోని గోరుంట్ల మండలంలోని పాలసముద్రం గ్రామంలో జిల్లా పరిషత్ ప్రభుత్వ పాఠశాల ప్రధానోపాధ్యాయుడు అదే పాఠశాలలో చదువుతున్న విద్యార్థినిపై గత కొంతకాలంగా లైంగిక వేధింపులకు పాల్పడుతున్నాడు.

అయితే ఎంతో కాలంగా ప్రధానోపాధ్యాయుడు ఇలా చేస్తున్నప్పటికీ శుక్రవారమే ఈ ఉదంతం బయట పడింది. ప్రధానోపాద్యాయుడు వేధిస్తున్న ఆ విద్యార్థిని అదే పాఠశాలలో పని చేస్తున్న సామాన్యశాస్త్రం(సైన్సు) ఉపాధ్యాయురాలి కూతురే కావటం గమనార్హం.