పరిటాల రవిని చంపిందెవరో మద్దెల చెర్వు సూరి చెప్పాలి: లక్ష్మీపార్వతి

హైదరాబాద్: దివంగత ముఖ్యమంత్రి, తెలుగుదేశం పార్టీ వ్యవస్థాపకుడు నందమూరి తారకరామారావు ఎప్పుడూ ఫ్యాక్షనిజాన్ని ప్రోత్సహించలేదని ఆయన సతీమణి, ఎన్టీఆర్ తెలుగుదేశం పార్టీ అధ్యక్షురాలు లక్ష్మీపార్వతి మంగళవారం అన్నారు. రక్త చరిత్ర చిత్రంలో ఎన్టీఆర్ ఫ్యాక్షనిజాన్ని ప్రోత్సహించినట్లుగా రామ్ గోపాల్ వర్మ చూపించడం సరి కాదన్నారు. ఎన్టీఆర్ ప్రజల సంక్షేమమే ధ్యేయంగా పని చేశారన్నారు. ఆయన పార్టీ స్థాపించిందే ప్రజల కోసమన్నారు.

రాయలసీమలో ఫ్యాక్షనిజాన్ని అంతం చేయడానికే ఎన్టీఅర్ పరిటాల రవిని రంగంలోకి దింపారన్నారు. రవినుండి మొదటే ఎన్టీఆర్ ఫ్యాక్షనిజాన్ని మానుకోవాలని హామీ తీసుకున్నారని చెప్పారు. తనను తెలుగుదేశం పార్టీ అధ్యక్షుడి చంద్రబాబునాయుడే రక్షించాడని అంటున్న మద్దెలచెర్వు సూరి మాటల వెనుక ఆంతర్యం ఏమిటని ఆమె ప్రశ్నించారు. ఆయన మాటలు అనుమానాలకు తావిస్తున్నాయన్నారు. పరిటాల రవిని హత్య చేసింది ఎవరు అని ఆమె అన్నారు.