ధైర్యం ఉంటే కిరణ్ ప్రభుత్వాన్ని కూల్చు, చూద్దాం: జగన్ కు ఆనం సవాల్

నెల్లూరు: దివంగత ముఖ్యమంత్రి వైయస్ రాజశేఖరరెడ్డి అధికారంలోకి తెచ్చిన ప్రభుత్వం అయినందున దానిని కూల్చే ఉద్దేశ్యం, కుట్రపూరిత గుణాలు తనకు లేవని పదే పదే చెబుతున్న మాజీ పార్లమెంటు సభ్యుడు వైయస్ జగన్మోహన్ రెడ్డి ధైర్యం ఉంటే ప్రభుత్వాన్ని కూల్చి చూపెట్టాలని శాసనసభ్యుడు ఆనం వివేకానందరెడ్డి బుధవారం శ్రీ పొట్టి శ్రీరాములు నెల్లురూ జిల్లాలో డిమాండ్ చేశారు. ప్రభుత్వాన్ని కూల్చనని ఉత్తిత్తి ప్రకటనలు చేయటం మానుకోవాలన్నారు. సెమీ ఫైనల్స్, ఫైనల్స్ అనడానికి ఇవి క్రీడలు కావి, రాజకీయాలు అని ఆయన ఎద్దేవా చేశారు.

వైయస్ జగన్ పార్టీ ఆయన వ్యక్తిగతమన్నారు. జగన్ పార్టీ పెట్టినా కాంగ్రెసు కు కొత్తగా వచ్చే నష్టమేమీ లేదన్నారు. కాంగ్రెసు వందల సంవత్సరాల పార్టీ అని, అతి పెద్ద పార్టీ అని చెప్పారు. ముఖ్యమంత్రి కిరణ్ కుమార్ రెడ్డి ప్రభుత్వాన్ని కూల్చే సత్తా, దమ్ము జగన్ కు గానీ, జగన్ వర్గానికి కానీ లేదని ఆయన చెప్పారు.