భర్త సంజయ్ కపూర్ కు కరిష్మా కపూర్ విడాకులకు సిద్ధం?

ముంబై: కరిష్మా కపూర్ కు, భర్త సంజయ్ కపూర్ కు మధ్య సమరం మళ్లీ మొదలైంది. 2003లో వివాహమైనప్పటి నుంచి వారిద్దరి మధ్య కలతలు చెలరేగుతూనే ఉన్నాయి. తర్వాత సర్దుకున్నప్పటికీ ఇప్పుడు విడాకుల పత్రాలు దాఖలు చేయాలని కరిష్మా కపూర్ నిర్ణయించుకున్నట్లు తెలుస్తోంది సంజయ్ కపూర్ స్త్రీలోలత్వమే ఇందుకు కారణమని భావిస్తున్నారు. ఏ క్షణంలోనైనా కరిష్మా కపూర్ విడాకుల పత్రాలు దాఖలు చేయవచ్చునని ఆమె సన్నిహితులు అంటున్నారు.

మిత్రులతో, కుటుంబ సభ్యులతో మాట్లాడిన తర్వాత కరిష్మా కపూర్ విడాకులు తీసుకోవాలని నిర్ణయించుకున్నట్లు సమాచారం. చెత్త పెళ్లి సంబంధం నుంచి బయటపడాలని ఆమె నిర్ణయించుకున్నారట. సంజయ్ తో కరిష్మా వివాహం 2003 సెప్టెంబర్ లో జరిగింది. 2005లో వారికి ఓ బిడ్డ పుట్టింది. రెండో బిడ్డ ఈ ఏడాది మార్చిలో పుట్టింది. కరిష్మా గర్భంతో ఉన్న కాలంలో సంజ్ వేరే యువతితో తిరగడం మొదలు పెట్టాడు.