వైయస్ జగన్ జైలుకు వెళ్లాల్సిందే: పాల్వాయి గోవర్ధన్ రెడ్డి

హైదరాబాద్‌: మాజీ పార్లమెంటు సభ్యుడు వైయస్ జగన్ ఎప్పటికైనా జైలుకు వెళ్లాల్సిందేనని కాంగ్రెసు సీనియర్ నేత పాల్వాయి గోవర్దన్ రెడ్డి వ్యాఖ్యానించారు. వైయస్ జగన్ బండారం బయటపడుతుందని ఆయన శుక్రవారం మీడియా ప్రతినిధులతో అన్నారు. వైయస్ జగనే అవినీతిపరుడని ఆయన అన్నారు. వైయస్ జగన్ అక్రమాస్తులపై విచారణ జరిగి తీరుతుందని, వైయస్ జగన్ జైలుకు వెళ్లడం ఖాయమని ఆయన అన్నారు.

దివంగత నేత వైయస్ రాజశేఖర రెడ్డి అధికారాన్ని అడ్డం పెట్టుకుని వైయస్ జగన్ అక్రమంగా కోట్లాది రూపాయలు సంపాదించారని ఆయన ఆరోపించారు. కోట్లాది రూపాయలు అక్రమంగా సంపాదించిన వైయస్ జగన్ కాంగ్రెసు అవినీతిలో కూరుకుపోయిందని విమర్శించడం విడ్డూరమని ఆయన అన్నారు.