తెనాలిలో తొక్కిసలాటలో కింద పడినపోయిన వైయస్ జగన్

గుంటూరు‌: గుంటూరు జిల్లా తెనాలి రైల్వే స్టేషన్ లో మాజీ పార్లమెంటు సభ్యుడు వైయస్ జగన్ కింద పడిపోయారు. సికింద్రాబాదు నుంచి తెనాలి రైల్వే స్షేషన్ చేరుకున్న వైయస్ జగన్ ను చూడడానికి భారీ యెత్తున ప్రజలు వచ్చారు. ఆయనను చూడడానికి ప్రజలు ఎగబడ్డారు. దీంతో తొక్కిసలాట జరిగింది. ఈ తొక్కిసలాటలో వైయస్ జగన్ కింద పడిపోయారు. ఈ తొక్కిసలాటలో ఇద్దరు గాయపడినట్లు సమాచారం.

కిందపడిన వైయస్ జగన్ ను లేపి పక్కకు తీసికెళ్లడం కూడా గగనమైంది. వైయస్ జగన్ పర్యటన సందర్భంగా సరైన భద్రత కల్పించకపోవడం పట్ల వైయస్ జగన్ వర్గం నాయకులు తీవ్ర ఆగ్రహం వ్యక్తం చేస్తున్నారు. కనీసం పది మంది పోలీసులు కూడా లేరని వారన్నారు. వైయస్ జగన్ అభిమానులు వెల్లువెత్తుతున్నారని, అది తనకు ఎంతో ఆనందం కలుగుతోందని సినీ నటుడు విజయచందర్ అన్నారు. వరద తాకిడికి తల్లడిల్లుతున్న రైతులను పరామర్శించడానికి ఆయన శుక్రవారం హైదారాబాదు నుంచి తెనాలికి చేరుకున్నారు.