పార్లమెంటు సభ్యునిగా జగన్ కడపకు ఏం చేశారో చెప్పాలి: డిఎల్

కడప: దివంగత ముఖ్యమంత్రి వైఎస్ రాజశేఖరరెడ్డి తనయుడు వైఎస్ జగన్మోహన్ రెడ్డి పార్లమెంటు సభ్యుడిగా ఉన్నప్పుడు కడప జిల్లాకు ఏం చేశారని మంత్రి డిఎల్ రవీంద్రారెడ్డి ఆదివారం ప్రశ్నించారు. పార్లమెంటు సభ్యుడిగా ఆయన కడప జిల్లాకు చేసిందేమీ లేదన్నారు. ఎంపీగా ఆయన ప్రజలకు ఏం చేశారో చెప్పిన తర్వాతనే గడప గడప కార్యక్రమం చేపట్టారని సవాల్ చేశారు. జగన్ కడపకు చేసిన సేవ ప్రజలందరికీ తెలుసునన్నారు.

మన రాష్ట్రంలో వీధికో విద్యాలయం పుట్టుకు వచ్చిందన్నారు. వీధికో విద్యాలయం పుట్టుకు రావటం వల్ల విశ్వవిద్యాలయాలు పుట్టుగొడుగుల్లా పెరిగిపోయాయయన్నారు. పక్కా ప్రణాళిక లేకపోవటం వల్లనే కుప్పలుకుప్పలుగా విశ్వవిద్యాలయాలు పుట్టుకొచ్చాయని అన్నారు. అయితే ఆయన దివంగత ముఖ్యమంత్రి రాజశేఖరరెడ్డిని దృష్టిలో పెట్టుకొనే ఈ వ్యాఖ్యలు చేసినట్లు తెలుస్తోంది. ప్రణాళికల లేమి నిరుద్యోగులను సృష్టించిందన్నారు.