కన్నడ సినీ నటి జయమాలపై చార్జిషీట్ దాఖలు చేసిన పోలీసులు

తిరువనంతపురం‌: శబరిమల ఆలయ వివాదంలో కన్నడ నటి జయమాలపై మంగళవారం పఠనంతిట్ట జుడిష్యల్ మెజిస్ట్రేట్ కోర్టులో చార్జిషీట్ దాఖలైంది. 2006లో జయమాల శబరిమల ఆలయంలోకి ప్రవేశించి, అయ్యప్ప విగ్రహాన్ని స్పృశించారనే ఆరోపణపై ఈ చార్జిషీట్ దాఖలు చేశారు. శబరిమల గర్భగుడిలోకి మహిళలకు ప్రవేశం లేదు. దానికి విరుద్ధంగా జయమాల లోనికి ప్రవేశించడంపై కేసు నమోదైంది.

మతపరమైన మనోభావాలను దెబ్బ తీసినందుకు జయమాలపైనే కాకుండా జోతిష్కుడు ఉన్నికృష్ణన్, ఆయన సహాయకుడు రఘుపతిలపై కూడా చార్జిషీట్ దాఖలైంది. ఎవరి మనోభావాలను కూడా దెబ్బ తీసే ఉద్దేశం తనకు లేదని జయమాల ఇంతకు ముందు చెప్పారు. ఉన్నికృష్ణన్ జయమాలతో మతాచారాన్ని నిర్వహించాడనే ఆరోపణలు వచ్చాయి.