ఆమరణ దీక్షతో చంద్రబాబునాయుడు కుట్ర: ఎమ్మెల్యే హరీష్ రావు

హైదరాబాద్: ప్రభుత్వం రైతులకు ఇచ్చే సబ్సిడీల్లో తెలంగాణ రైతులకు తీవ్ర అన్యాయం జరుగుతుందని తెలంగాణ రాష్ట్ర సమితి నాయకుడు, సిద్దిపేట శాసనసభ్యుడు బుధవారం అసెంబ్లీలో అన్నారు. వేరుశనగ రైతులకు ఎకరాకు రూ.10వేల నష్టపరిహారం చెల్లించాలన్నారు. ఇటీవల కురిసిన వర్షాలకు నష్టపోయిన రైతులను ప్రభుత్వం ఆదుకోవాలన్నారు. రైతులకు ఇన్ పుట్ సబ్సిడీ ఇవ్వాలన్నారు. తెలంగాణలోని చెరుకు రైతులను ఆదుకోవాలన్నారు. పంట రుణాల్లో తెలంగాణ రైతులకు తీవ్ర నష్టం జరుగుతుందన్నారు.

అంతకుముందు ఆయన మీడియా ప్రతినిధులతో మాట్లాడారు. తెలుగుదేశం పార్టీ అధ్యక్షుడు, మాజీ ముఖ్యమంత్రి చంద్రబాబునాయుడి కుట్ర బయటపడుతున్నాయన్నారు. 17న ఆమరణ నిరాహార దీక్ష చేస్తానన్న చంద్రబాబు ఇప్పుడు 16 సాయంత్రం చేస్తానంటున్నారన్నారు. తెలంగాణ ప్రజలు ఆయన కుట్రను అర్థం చేసుకుంటున్నారని అన్నారు.